స్టార్ హీరోలను వెనక్కినెట్టేసిన

స్టార్ హీరోలను వెనక్కినెట్టేసిన

సారంగ దరియాతో  స్టార్ హీరోలను వెనక్కినెట్టేసిన సాయి పల్లవి

దాని కుడి భుజం మీద కడువా.. అంటూ మొదలైన్ జానపదగీతంగా  సోషల్ మీడియా సెన్సేషన్ అయింది ‘సారంగ దరియా’ సాంగ్. ‘లవ్ స్టోరీ’ సినిమా నుంచి విడుదలైన ఈ జానపదం పలు వివాదాల్లో చిక్కుకున్నప్పటికీ అన్నివర్గాల ప్రేక్షకులను ఫిదా చేసింది. అల్లు అర్జున్ లాంటి అగ్ర హీరోల రికార్డులను తిరగరాస్తూ సత్తా చాటుతోంది. సాయి పల్లవి నాచురల్ అందానికి తోడు ఆమె డాన్స్ పర్‌ఫార్‌మెన్స్ ఈ పాటలో మేజర్ అట్రాక్షన్ అయ్యాయి. దీంతో కేవలం 32 రోజుల్లోనే 100 మిలియన్ వ్యూస్ సాధించి సరికొత్త రికార్డు క్రియేట్ చేసింది సారంగదరియా.

సౌతిండియాలో మరే లిరికల్ సాంగ్ ఇంత తక్కువ టైమ్‌లో 100 మిలియన్ వ్యూస్ మార్క్ చేరుకోలేదు. రికార్డ్స్ బ్రేక్ చేస్తూ దూసుకుపోయిన అల్లు అర్జున్ ‘బుట్ట బొమ్మ’ సాంగ్ కూడా ‘సారంగ దరియా’ దెబ్బకు వెనుకపడింది. ఫిబ్రవరి 28న ఆదిత్య మ్యూజిక్ ఛానల్‌లో అప్‌లోడ్ అయిన ‘సారంగ దరియా’ పాట తొలి రోజు నుంచే శ్రోతలను ఆకట్టుకుని, మిలియన్ల కొద్ది వ్యూస్ అందుకుంటూ వచ్చింది.

సంగీత దర్శకుడు పవన్ సీహెచ్ ఇచ్చిన క్యాచీ ట్యూన్, సుద్దాల అశోక్ తేజ అందించిన సాహిత్యం, ఉత్సాహంగా మంగ్లీ పాడిన తీరు సామాన్యుడి నుంచి విశిష్ట వ్యక్తుల దాకా అందరికీ ఆకట్టుకున్నాయి. ఇక ఈ పాటలో శేఖర్ మాస్టర్ స్టెప్పులను సాయి పల్లవి తనదైన స్టైల్‌లో చేసి అట్రాక్ట్ చేసింది. ఆమె టైమింగ్, ఎనర్జీ, ఎక్స్‌ప్రెషన్స్ ‘సారంగ దరియా’ పాటకు ప్రధాన ఆకర్షణగా నిలిచాయి.

శ్రీ వెంకటేశ్వర సినిమాస్ ఎల్ఎల్‌పీ, అమిగోస్ క్రియేషన్స్ సంస్థలు సంయుక్తంగా ఈ ‘లవ్ స్టోరీ’ సినిమాను నిర్మించాయి. శేఖర్ కమ్ముల దర్శకత్వం వహించగా.. కె నారాయణదాస్ నారంగ్, పి. రామ్మోహన్రావు నిర్మాతలుగా వ్యవహరించారు. నాగ చైతన్య, సాయి పల్లవి జంటగా నటించారు. రాజీవ్ కనకాల, ఈశ్వరీ రావు, దేవయాని ఇతర కీలక పాత్రలు పోషించారు. ఈనెల16న ఈ సినిమా ప్రేక్షకుల ముందుకు రానుంది.

Send a Comment

Your email address will not be published.